Sunday, July 17, 2016

LIGHT AND SHADOW - GREATEST CINEMATOGRAPHERS OF THE WORLD - INTERVIEWED

What is great filmmaking, Legendary Cinematographers share their personal perspectives on what they do and what it means to them.






Roberto Schaefer ASC AIC Cinematographer
Steven Fierberg ASC Cinematographer
Elliot Rosenblatt Producer
Bob Primes ASC Cinematographer
Peter James ASC ACS Cinematographer
Janusz Kaminski Cinematographer
Bruce Logan ASC Cinematographer
Haskell Wexler ASC Cinematographer
Vilmos Zsigmond ASC Cinematographer
Richard Crudo ASC Cinematographer
Philip Bloom Cinematographer
Polly Morgan Cinematographer
Conrad Hall ASC Cinematographer
Frederic Goodich ASC Cinematographer
Stephen Goldblatt ASC BSC Cinematographer
Ryan Walters Cinematographer
Den Lennie Cinematographer
Michael Negrin ASC Cinematographer
Nancy Schreider ASC Cinematographer
Francis Kenny ASC Cinematographer
Stephen Lighthill ASC Cinematographer
Michael Koerbel Cinematographer
Daryn Okada ASC Cinematographer
Victor Kemper ASC Cinematographer
Mick Jones Cinematographer
Ron Garcia ASC Cinematographer
Rodney Charters ASC CSC Cinematographer
Russell Boyd ACS ASC Cinematographer
Isidore Mankofsky ASC Cinematographer
Colt Seman Cinematographer
Gordon Willis ASC Cinematographer
Roger Deakins ASC BSC Cinematographer
Vittorio Storaro ASC AIC Cinematographer
Alan Thatcher Cinematographer

Friday, July 8, 2016

Amazon Kindle - டிஜிட்டல் வடிவில் புத்தகங்கள் படிக்க


அமேசானில் வாங்கும் புத்தகத்தை எப்படி படிப்பது என்று சிலர் கேட்கிறார்கள். அவர்களுக்காக இது.

அமேசான் நிறுவனம் புத்தகங்களைப் படிப்பதற்காக, Kindle என்னும் கையடக்க கருவி ஒன்றை வடிவமைத்திருக்கிறது. இது ஏறக்குறைய ஒரு ‘Tablet’ போன்றதுதான். இது பல வகைகளாக வடிவமைக்கப்பட்டிருக்கிறது. நாம் வாங்கும் புத்தகங்களை இதில் படிக்கலாம். மற்றவர்களுக்கு இமெயிலில் பகிரவோ, பரப்பவோ முடியாது. ஆகையினால், நம் புத்தகங்கள் கள்ளச் சந்தையில் பரவி விடும் என்ற பயமில்லை. உலகெங்கிலுமிருந்து பல்லாயிரக்கணக்கானப் புத்தகங்கள் இதில் கிடைக்கிறது. லட்சக்கணக்கானவர்கள் தினமும் இதில் புத்தகங்களை படிக்கிறார்கள். புத்தகம் படிப்பதை நவினமாக்கியிருக்கிறார்கள். படிப்பதற்கும், சேமிப்பதற்கும் இலகுவானது. 1,400 புத்தகங்களுக்கும் மேலாக இதில் சேமிக்கலாம் என்கிறார்கள். நம்முடைய வசதிக்கேற்ப வெவ்வேறு மாடல்களை வாங்கிக்கொள்ளலாம்.


Ipad, Iphone, Samsung Tab, Lenovo Tab.. என பிற நிறுவனங்களின் டேப்லெட்டுகளை(Tablets) பயன்படுத்துவோர்கென ‘Kindle App’ தனியாக கிடைக்கிறது. Ipad, Iphone பயன்படுத்துபவர்கள் Apple App Store- இலும், ஆண்ட்ராயிடு டேப்களை பயன்படுத்துபவர்கள் கூகுளின் Play Store-இலும், Mac மற்றும் Windows-க்கும் ‘Kindle App’-ஐ இலவசமாக தரவிரக்கம் செய்துக்கொள்ளலாம். அமேசானில் வாங்கும் புத்தகங்கள் தானாகவே இதில் தரவிறக்கம் செய்துக்கொள்ளும்.


என்னுடைய ‘ஒளி எனும் மொழி’ புத்தகத்தை, பல வெளிநாட்டு நண்பர்கள் எங்கே வாங்குவது என்று கேட்டுக்கொண்டே இருந்தார்கள். அச்சடித்த புத்தகங்களை இங்கிருந்து அனுப்பி வைப்பது என்பது புத்தக விலையைப்போல இரண்டு மூன்று மடங்கு செலவு பிடிப்பதாக இருக்கிறது. ஆகையினால், வெளிநாட்டிலிருக்கும் நண்பர்கள் படிப்பதற்கு வசதியாக டிஜிட்டல் வடிவத்தில் அப்புத்தகத்தை தருவது நல்லது என்று நினைத்தோம். அது இப்போதுதான் நடந்திருக்கிறது.

அச்சடித்த புத்தகத்தை விட இதில் படிப்பது இலகுவானது. தேவைக்கேற்ப Font Size-ஐ பெரிதுப்படுத்திக்கொள்ளலாம். தேவையான பக்கங்களை குறித்து வைத்துக்கொள்ளலாம். முக்கியமென்று கருதுவதை அடிக்கோடிடலாம் (Highlight). தேவையான பக்கத்தை மட்டும் ஃபிண்ட் செய்துக்கொள்ளலாம். உங்கள் கணினி, செல்ஃபோன், டேப் என எல்லா கருவிகளிலும் வசதிக்கேற்ப படிக்கலாம். வீட்டில் இருக்கும் போது கணினியில் படிப்பவர்கள், வெளியே செல்லும்போது செல்ஃபோனிலோ, டேபிலோ விட்ட இடத்திலிருந்து தொடர்ந்து படிக்கலாம். அச்சடித்த புத்தகத்தைப்போல சுமந்து திரிய வேண்டியதில்லை.

நண்பர்கள் இதனைப் பயன்படுத்திக்கொள்ளுங்கள், ஆர்வம் கொண்டவர்களுக்கு தகவல் சொல்லுங்கள். நன்றி.


Monday, July 4, 2016

ஒளி எனும் மொழி புத்தகம் (Digital Edition) - Buy From Amazon



‘ஒளி எனும் மொழி’ புத்தகத்தின் Digital Edition-ஐ வாங்குவதற்கு ஆர்வமாக இருந்த நண்பர்களுக்கு.. தற்போது, இப்புத்தகம் அமேசானில் கிடைக்கிறது. ஆர்வம் கொண்டவர்கள் வாங்கலாம்.

நன்றி.




இப்புத்தகத்திற்கு இயக்குனர் திரு.மிஷ்கின் அவர்கள் அணிந்துரை தந்திருக்கிறார். அதை கீழே கொடுத்திருக்கிறேன்.

----------------------------------------------------------------------------

ஒரு மாலையில், தமிழ் ஸ்டுடியோ திரு. அருண் அவர்கள் என் அலுவலகத்திற்கு வந்து திரு. விஜய் ஆம்ஸ்ட்ராங் எழுதிய ஒளிப்பதிவுத் தொழில்நுட்பம் பற்றிய புத்தகத்திற்கு முன்னுரை வேண்டும் என்றார். நான் சற்று பதறிப்போய் அருண் இதற்கெல்லாம் எனக்கு நேரமில்லை என்று சொல்லி மறுத்தேன். அதற்கு அவர், விஜய் ஆம்ஸ்ட்ராங் உங்களிடம்தான் முன்னுரையைப் பெற வேண்டும் என்று விரும்புவதாக சொன்னார்.

சரி, அவரை புத்தகத்துடன் வரச்சொல்லுங்கள் என்று கூறினேன். மறுநாள் மாலை திரு. ஆம்ஸ்ட்ராங் என் அலுவலகத்திற்கு வந்தார். அவரை ஏற்கனவே ஒரு முறை ஒளிப்பதிவாளர் பாலாஜியுடன் சந்தித்திருக்கின்றேன் (ஓநாயும் ஆட்டுக்குட்டியும்). முதல் சந்திப்பிலேயே ஆம்ஸ்ட்ராங்கை எனக்கு பிடித்துப்போயிருந்தது. என் ஒளிப்பதிவாளர் மகேஷ் முத்துசுவாமியைப் போல் மிகவும் அடக்கமும், அமைதியும் கொண்டவர். சிறிது நேரம் உரையாடினோம். அவர் கடந்து வந்த பாதை பற்றியும், அவரின் குரு கண்ணன் பற்றியும், திரு. பாரதிராஜாவின் உழைப்பைப் பற்றியும் ஈடுபாட்டுடன் பேசினார்.

எல்லாவற்றையும்விட அவர் இந்தப் புத்தகத்தை “என் தோழியாகவும் உடன் நிற்கும் அம்மா ராணி விஜயராகவனுக்கு” என அர்ப்பணம் செய்திருப்பது எனக்கு மிகவும் பிடித்திருந்தது. அவர் விடைபெற்றவுடன் புத்தகத்தைப் படித்தேன்.

ஒளிப்பதிவுக் கலையை நோக்கி நடந்து வர விரும்பும் இளைஞர்களுக்கு இந்தப் புத்தகம் ஒரு நல்ல அறிமுக நூலாக இருக்கும். இந்தப் புத்தகத்தில் ஒளிப்பதிவு சார்ந்த சில முக்கியமான கடினமான விதிகளை மிக அழகாகவும், எளிமையாகவும் திரு. ஆம்ஸ்ட்ராங் விளக்குகிறார். இந்த விதிகள் மரத்தின் வேர்களைப் போன்றது. இந்த அடிப்படை விதிகளின் அறிவை நாம் உள் வாங்கிக் கொள்ளும் பொழுது நாம் செய்யும் திரைப்படங்கள் அழகாகவும், எளிமையாகவும் அமையும்.

ஒரு பெரிய அறிஞன் கூறுகிறான், “Learn the Basic Rules till they become your second nature”

நான் ஒவ்வொரு திரைப்படத்தை உருவாக்கும் பொழுதும், தயாரிக்கும் பொழுதும், தொழில் ரீதியாகவும், அறிவுரீதியாகவும் குழப்பங்கள் பல தடைக்கற்களாக வந்து கொண்டே இருக்கின்றன. அப்பொழுதெல்லாம் உதவிக்கு வருபவை இந்த அடிப்படை சினிமா விதிகளே.

ஒரு காட்சியை படம் பிடிக்கும் பொழுது அதிலுள்ள கதாப்பாத்திரங்களையும், அவர்கள் வெளிப்படுத்தும் உணர்வுகளையும், அவர்கள் வெளிப்படுத்தாத உணர்வுகளையும் எப்படி கேமராவைக் கொண்டு அணுகுவது என்ற கேள்வி ஒவ்வொரு இயக்குநருக்கும், ஒளிப்பதிவாளருக்கும் அவசியம்.

இந்த கேள்விகளுக்கான பதில்கள் உண்மையிலிருந்தும், எதார்த்தத்திலிருந்தும், கருணையிலிருந்தும், அறிவிலிருந்தும், மனவலிமையிலிருந்தும் தோன்றுகின்றன. கடைசியில் சொல்லப்பட்ட மனவலிமை அதாவது Confidence உங்கள் வேர்களான அடிப்படை விதிகளிலிருந்தே வருகிறது.

ஒரு கவிதைக்கு இலக்கணம் அவசியமில்லைதான். ஆனால் மொழி அவசியம். மொழிக்குள் இலக்கணக் கட்டுமானம் ஒளிந்திருக்கின்றது. ஒவ்வொரு நல்ல திரைப்படமும் ஒரு தெளிவான கட்டுமானத்திலிருந்து (Structure) உருவாக்கப்படுகிறது. நேர்மையான கதை, பொய்யில்லா நடிப்பு, அழகான படப்பிடிப்பு, அறிவான படக்கோர்வை, வருடும் இசை இவை அனைத்தும் சேர்த்தே ஒரு மேன்மையான திரைப்படம் உருவாக்கப்படுகிறது. ஒரு மேன்மையான திரைப்படத்தை உருவாக்க விரும்பும் இளைஞனுக்கு, ஒவ்வொரு துறையைப்பற்றிய வேர்கள் பற்றிய அதாவது அடிப்படை விதிகள் பற்றிய அறிவு மிக அவசியம்.

திரு. ஆம்ஸ்ட்ராங் எழுதிய இந்தப் புத்தகம் திரைப்படத்தை நோக்கிப் போகும் உங்கள் பயணத்தில் விளக்காக இருக்கும் என நம்புகிறேன். பயணிகளே உங்களுக்கு என் வாழ்த்துக்கள்!

அன்புடன்
மிஷ்கின்.