Thursday, June 23, 2016

தமிழில் ஒரு காமிக்ஸ் தளம்:


http://www.mbcomicstudio.com

இரண்டு நாட்களுக்கு முன்பாக, நானும் நண்பர் ஆதிமூலகிருஷ்ணனும் பேசிக்கொண்டிருக்கும்போது, காமிக்ஸ் பற்றி பேச்சு வந்தது. அண்மையில் வெளியான முத்து காமிக்ஸின் ‘என் பெயர் டைகர் (Mr.Bluberry)’ பற்றி சிலாகித்துக்கொண்டிருந்தோம் எனலாம். அதன் களம், கதை, ஓவியம் பற்றிய பிரமிப்பு எங்களைத் பலமாகவே தொற்றிக்கொண்டிருந்தது. அதன் தொடர்ச்சியாக, தமிழில் ஏன் யாரும் காமிக்ஸ் தயாரிக்க, வரைய முயற்சிப்பதில்லை, அப்படியான தகுதியோ, முயற்சியோ இங்கே இல்லவே இல்லையே என்று ஆதங்கப்பட்டுக் கொண்டோம். தமிழில் ஆங்காங்கே, ஓரிரு முயற்சிகள் நடந்துவந்திருக்கின்றனதான் எனினும், எங்கள் ஆதங்கத்தில் தவறொன்றுமில்லை என்பதையும் ஒப்புக்கொள்வீர்கள்தானே?

தமிழில் கால காலத்திற்கும் நிலைத்து நிற்கும், தகுதியான பல அற்புதமான கதைகள் இருக்கின்றவே, அவற்றை எல்லாம் காமிக்ஸ் வடிவத்திற்கு மாற்றினால் எப்படி இருக்கும்.? குறிப்பாக ‘பொன்னியன் செல்வன்’ நாவலை, காமிக்ஸ் தொடராக மாற்றினால், அது தமிழ் சமுகத்திற்கு எத்தனைப் பெரிய கொடையாக இருக்கும். இதைச் செய்ய இங்கே ஆட்கள் இல்லை. வெளிநாடுகளில் இருக்கும் ஆட்களைப் பயன்படுத்தியாவது அதைச் செய்துவிட்டால், எப்படி இருக்கும்? அதற்கு எவ்வளவு செலவாகும்.? அதற்கான பணத்திற்கு எங்கே போவது..!? என்றும் பேசிக்கொண்டோம்.

ஆனால், பாருங்கள். இப்போதும் தமிழில் காமிக்ஸ் முயற்சி ஒன்று நடந்துக்கொண்டுதான் இருக்கிறது. இயக்குநர் திருமதி.நந்தினி அவர்கள் அப்படியான முயற்சி ஒன்றை ஏற்கனவே துவங்கியிருக்கிறார் என்பது எனக்கு முன்பே தெரிந்திருந்தபோதும் அதை மறந்துவிட்டேன். அவர்களுடைய ‘ சிவப்புக்கல் மூக்குத்தி’ காமிக்ஸை நான் படித்திருக்கிறேன். அற்புதமான முயற்சி அது. காமிக்ஸ் வாசிக்கும் ஆர்வமுடைய அத்தனை நண்பர்களுக்கும் அப்புத்தகத்தை பரிந்துரைக்கிறேன்.

இப்போது நந்தினி அவர்கள், அடுத்த காமிக்ஸ் கதையையும் துவங்கிவிட்டார். ‘இன்ஸ்பெக்டர் ரிஷி’ என்னும் அக்காமிக்ஸை அவரே எழுதி, படங்களை வரைந்து உருவாக்கி வருகிறார். அக்காமிக்ஸுக்கு என்றே தனியாக ஒரு வலைத்தளம் வடிவமைத்து, வாரம் ஒரு பக்கம் என்று அக்காமிக்ஸ் கதையை பதிவேற்றியும் வருகிறார். ஆஹா.. எத்தனை பெரிய முயற்சி அது..!

தமிழில் இப்படியான ஒரு முயற்சி நடப்பது, மகிழ்ச்சியையும் நம்பிக்கையும் ஒருசேரத் தருகிறது. இப்படியான முயற்சிகள் தான், வருங்காலத்திற்கான பாதையை அமைக்கும். எங்கேனும் ஒரு துவக்கம் இருக்கத்தானே வேண்டும். கடந்த காலங்களில், பத்திரிக்கை நடத்திய சிலர் தமிழில் காமிக்ஸ் முயன்றிருக்கலாம், எனக்கு அதைபற்றி சரியாக தெரியவில்லை (நண்பர் கிங் விஷ்வாவைக் கேட்டால் தெரியும்). எனக்கு தெரிந்ததெல்லாம் (நம்மில் பலருக்கு) ராணி காமிக்ஸ், முத்து, லயன் போன்ற அயல்நாட்டு கதைகளை, தமிழில் வழங்கிய புத்தகங்கள்தான். உண்மையில், அதைக் கொண்டு வந்தவர்களுக்கு நன்றி சொல்ல வேண்டும். அதுவும் இல்லை என்றால், காமிக்ஸ் என்றால் என்ன என்றே தெரியாமல் வளர்ந்திருப்போம் நாம்.

இன்றைய நவீன டிஜிட்டல் உலகத்தில், எதையும் சாத்தியமாக்கிவிட முடியும். டிஜிட்டல் வளர்ச்சியினால் திரைத்துறை மட்டுமல்ல, எல்லாத்துறையிலும் நுட்பங்கள் இலகுவாகி இருக்கின்றன. ஒரு படைப்பை உருவாக்கத் தேவையான தொழில்நுட்பம் இலகுவாகவும் மலிவாகவும் கிடைக்கிறது. அதைப்பயன்படுத்தி அற்புதமான படைப்புகளை படைத்திட முயற்சிக்க வேண்டும். பொருளாதாரத் தடையை, நவீன தொழில்நுட்பங்கள் குறைத்திருக்கின்றன. ஆயினும் அது விலையற்றதில்லை. அதற்கென்று ஒரு விலையும், தகுதியும், முயற்சியும் கண்டிப்பாக அவசியமாகிறது. தகுதியான கலைஞர்கள், தங்களுக்கான மனத்தடையை உடைத்து வெளியே வந்து முயன்றால், பல அற்புத சாதனைகளை படைத்திட முடியும். இது திரைப்படத்திற்கு மட்டுமல்ல, எத்துறைக்கும் பொருந்தும். அவ்வகையில் திருமதி.நந்தினியின் இம்முயற்சி பெரும் சாதனை என்றுதான் சொல்லுவேன். ஒரு இயக்குநராக பயின்று, அதற்கான தகுதிகளை வளர்த்துக்கொண்டு, திரைப்படமொன்றை இயக்கி (திரு திரு..! துறு துறு..!), தன் அடுத்த படம் தடைபட்டபோதும், கலங்கி நிற்காமல் அக்கதையை ஒரு காமிக்ஸ் புத்தகமாக கொண்டு வந்தது எத்தனை பெரிய துணிவு, ஆற்றல்.? நம்மில் எத்தனை பேருக்கு அது இருக்கிறது.? திருமதி.நந்தினி அவர்களை மனதாரப் பாராட்டுகிறேன். என் சக படைப்பாளி, ஆயினும், அவரைப் பார்த்து பிரமிப்பும், நம்பிக்கையும் கொள்கிறேன்.

இத்தகைய தகுதியான கலைஞர்களை தமிழ் சமூகம் அங்கீகரிக்க வேண்டும், ஆதரிக்க வேண்டும், உதவ வேண்டும். அவர்களின் படைப்புகளுக்கு உரிய மதிப்பையும், வரவேற்பையும் தரவேண்டும்.

புத்தகத்தின் டிஜிட்டல் எடிசன் (Digital Edition) வாங்குவதற்கு கீழே உள்ள லிங்குகளை பயன்படுத்துங்கள்:



Sunday, June 19, 2016

English: The Five C's of Cinematography: Motion Picture Filming Techniques



There are many great books on filmmaking, today I’d like to mention one particular book that keeps getting my attention and admiration: The Five C’s of Cinematography: Motion Picture Filming Techniques by Joseph V. Mascelli.

According to American Cinematographer the Five C’s is one of the three most important books on cinematic technique ever published. That should count for something!

So, what are the 5 C’s?

Camera Angles:
Camera angle refers to the angle at which a camera is positioned when filming. High-angle shots look down on a subject. Low-angle shots aim up at a subject to make the subject appear big and dominant in the screen. Wide shots are used to capture a subject's surroundings and often are used when establishing a scene. The various angles are chosen to help explore a film's narrative development.

Continuity:
Continuity is the consistency of a film's static and dynamic elements. A film must flow naturally to make sense to a viewer and shots are recorded avoiding inconsistencies in characters, plot or subject matter. Continuity means that clothing, sets and objects are not suddenly altered between shots in the same scene. It also means that characters sustain consistent personalities and that objects do not suddenly change, appear or disappear.

Cutting:
Cutting is how shots are organized in sequence. It's important to create a series of shots that flow naturally into each other. This means viewers are unlikely to follow or be affected by a film when its shots do not follow naturally. One example of a cutting technique is cross-cutting. This is when a camera moves from one scene of action to another to show two events taking place simultaneously. Cutting on action is another technique where one shot finishes on an action that leads to the next shot.

Closeups:
Closeups are detailed shots of a subject. Small details in these shots appear large on a movie screen. There are different degrees of closeups, including medium closeups and extreme closeups. Over-the-shoulder shots are a type literally filmed over a subject's shoulder toward another subject, usually done during a conversation. Closeups also move away from the action of a shot to show intimate details of a subject's emotions or draw attention to specific objects.

Composition:
Composition refers to how images in a shot are arranged and organized. In other words, composition is the visual order of a shot. This includes how a shot is balanced, or arranged in the frame, to draw viewers' attention to particular subjects or objects. The space, colors, balance of light and dark and other visual elements are other important aspects of a shot's composition.

 

The book was first published in 1965 and I don’t think it has been updated much since then. Yet the concepts are so good, effective, and clear that the content has become timeless.

It's rather dense (244 pages), but it's still one of the best books on cinematography I've read so far. It equips the cinematographer with a better understanding of why certain visual/technical choices work over others. With the aid of photographs and diagrams, this text concisely presents concepts and techniques of motion picture camerawork and the allied areas of film-making with which they interact with and impact. Included are discussions on: cinematic time and space; compositional rules; and types of editing.

The book may be dated, but the advice is timeless. Definitely worth owning and reading/re-reading for anyone aspiring to be in the film industry. Much of it's advice is even worthy of non cinema enthusiasts.

There is not a single wasted word, example or illustration in this book. It is jam-packed with practical insight, technique, and tastefulness. Even if you don't intend to work in this medium, this book will enrich the way you watch films.

This book is rich with insights. For any filmmakers, I strongly recommend this book!

"You need to know the rule in order to break the rule"


The Five C's of Cinematography: Motion Picture Filming Techniques


2009 -இலிருந்து ‘ஒளிப்பதிவு குறித்து’ என்னுடைய வலைப்பூவில் எழுதி வருகிறேன். பல தலைப்புகளில் கட்டுரைகளை எழுதிவிட்டேன். ஒளிப்பதிவுத்துறையில் இருக்கும் பல தொழில்நுட்பங்களை, விதிகளைப் பற்றி எழுதியிருக்கிறேன். பரவலாக எல்லாக்கட்டுரைகளுமே மிகுந்த வரவேற்பைப் பெற்றவைதான். ஆயினும், குறிப்பிட்ட ஒரு தலைப்பில் எழுதிய கட்டுரைகள் தனித்துவமான வரவேற்பையும், விருப்பத்தையும் பெற்றன. என் எழுத்தையும், என் வலைப்பூவையும் பற்றிப் பேசும் பலர், அக்கட்டுரைகளைக் குறிப்பிடாமல் இருப்பதே இல்லை. ஒளிப்பதிவு பயிற்சிப்பட்டறையின் போதும் பலர் இதைப்பற்றி ஆர்வமாக கேட்கிறார்கள். இதற்கென தனியாக பயிற்சிப்பட்டறை நடத்த வேண்டுமென்றும் விரும்புகிறார்கள். ஒளிப்பதிவு தொழில்நுட்பப் புத்தகமான ‘THE FIVE C'S OF CINEMATOGRAPHY’ பற்றிய கட்டுரைகள்தான் அவை.

JOSEPH V. MASCELLI எழுதிய இப்புத்தகம், மிக முக்கியமானது. திரையாக்கம், திரைப்பட ஒளிப்பதிவு குறித்து முக்கியமான ஐந்து தலைப்புகளில் இப்புத்தகம் விரிகிறது. Camera Angles, Continuity, Cutting, Close-ups & Composition எனும் இத்தலைப்புகளில் விவரிக்கப்படும் விதிகள் ஒவ்வொன்றும் திரையாக்கத்தை இலகுவாக்க உதவுபவை.


எத்துறையாகினும், அனுபவ வாயிலாகக் கண்டுணர்ந்த பாடங்களே, விதிகளாக / வழிகாட்டியாக பின்பற்றப்படுகின்றன என்பதை நாம் அறிவோம். அவ்வகையில், முந்தைய தலைமுறைத் திரைமேதைகளின் திரைப்படங்களிலிருந்து கற்ற அனுபவப் பாடங்களின் வாயிலாக, திரைப்பட ஆக்கத்தில், எழுத்திலிருக்கும் கதையை திரைவடிவமாக மாற்றும்போது பின்பற்ற வேண்டிய, கவனிக்க வேண்டிய விதிகளை, வழிமுறைகளை இப்புத்தகத்தில் Joseph V. Mascelli விவரித்துள்ளார்.

ஒரு கதையை, பார்வையாளனுக்கு அதன் உணர்வு கெடாமல் கடத்துவதுதான் திரைப்பட ஆக்கத்தில் ஒவ்வொரு இயக்குநரும், ஒளிப்பதிவாளரும் சந்திக்கும் பெரிய சவால். ஒரு திரைப்படமென்பது பல துணுக்கு  ‘சுடுவுகளால்’(Shots) ஆனது. ஒவ்வொரு சுடுவையும் இணைத்து, ஒரு பூமாலையைப்  கோர்ப்பது போன்று ஒரு திரைப்படத்தை கோர்க்க வேண்டியதிருக்கிறது. இரண்டரை மணி நேரம் ஓடும் ஒவ்வொரு திரைப்படத்திலும் சராசரியாக 2000 சுடுவுகள் வரை இருக்கும். அதற்கு ஆயிரக்கணக்கான சுடுவுகளை (20000 to 1,00,000) படம் பிடிக்க வேண்டியதிருக்கிறது. எடுக்கப்பட்ட அச்சுடுவுகளைப் பயன்படுத்தி ஒரு முழுநீள திரைக்கதையை, அதன் தன்மை கெடாமல், உணர்வு கெடாமல், பார்வையாளன் இலகுவாக புரிந்துக்கொள்ளக் கூடிய வகையில் ஒன்றிணைத்துச் சொல்ல வேண்டிய தேவை இருக்கிறது. எனில், அதை செய்வது எப்படி? மேலும், அதைச் சிறப்பாக செய்வது எப்படி.?

அதற்குத்தான், இப்புத்தகம் வழிகாட்டுகிறது.

ஒரு கதை நிகழும் தளத்தை, அதன் கதாப்பாத்திரங்களை, அவர்களிடையேயான உரையாடலை, சிறப்பாகவும், சரியாகவும், அதே நேரம் இலகுவாக புரிந்துக்கொள்ளும் வகையிலும் பார்வையாளனுக்கு கடத்தத் தேவையான கேமரா கோணம் (Camera Angles), கேமராவை வைக்க வேண்டிய இடம், காட்சிப்படுத்த வேண்டிய பார்வைக்கோணம் ஆகியவற்றில் துவங்கி, துண்டு துண்டாக எடுக்கப்படும் ஒவ்வொரு ‘சுடுவையும்’(Shots) எங்கே பிரிப்பது, அவற்றை எப்படி காட்சிப்படுத்துவது, பின்பு அவற்றை எப்படி இணைப்பது என்பவற்றையும், அவற்றிற்கிடையே இருக்கும் தொடர்ச்சியையும் (Cutting & Continuity) அதில் கவனிக்க வேண்டியவைகள் என பல நுணுக்கங்களையும் விவரிக்கிறார். மேலும், ஒவ்வொரு ‘சுடுவையும்’  எப்படி கம்போஸ் செய்வது, அதில் பின்பற்ற / கவனிக்க வேண்டிய நுணுக்கங்கள் யாவை என்பனவற்றையும் விவரிக்கிறார். அதேப்போல, ஒரு காட்சிக்கு மிக முக்கியமான ‘குளோசப்’(Close-ups) சுடுவுகளை எப்படி அமைப்பது, அதில் கவனிக்க வேண்டியவைகள், அதில் பின்பற்ற வேண்டிய வழிமுறைகள் மற்றும் நுணுக்கங்களை Close-ups என்னும் தலைப்பில் விவரிக்கிறார்.

இப்புத்தகத்தில் விவரிக்கப்படும் ஒவ்வொரு தலைப்பும் மிக முக்கியத்துவம் வாய்ந்தவைகள். திரைப்பட ஆக்கத்தில் ஆர்வம் கொண்ட ஒவ்வொருவரும் படிக்க வேண்டிய புத்தகம் இது. தவற விடக்கூடாத புத்தகம். விளக்கங்களுக்கு ஏற்ற படங்களையும் இணைத்திருப்பதனால், ஆங்கிலத்தில் இருப்பினும் படிக்க இலகுவான புத்தகம் தான். திரைத்துறை சார்ந்த அத்துனை நண்பர்களுக்கும் இப்புத்தகத்தை பரிந்துரைக்கிறேன்.



FREE Delivery. Cash on Delivery eligible.( நம்மிடம் வந்த பிறகு பணம் கொடுக்கலாம். ஆன் லைனில் வாங்க, கிரடிட் கார்டோ, டெபிட் கார்டோ இல்லாதவர்கள், இச்சேவையை பயன்படுத்தலாம்)

Monday, June 6, 2016

ஒளிப்பதிவுப் பயிற்சிப்பட்டறை - கோயம்புத்தூர் : நன்றி



இரண்டு நாட்கள் நடந்த ஒளிப்பதிவுப் பயிற்சிப்பட்டறை இனிதே நிறைவுற்றது. கல்லூரி விடுமுறை, கோடை விடுமுறை, தேர்தல் நேரம், முகூர்த்த நாள் போன்ற பல காரணங்களால், ஆர்வம் தெரிவித்த பலரால் கலந்து கொள்ள முடியவில்லை. ஆயினும் இது மிக சுவாரசியமான ஒரு பயிற்சிப்பட்டறையாகத்தான் இருந்தது. வழக்கம் போல, பல்துறையிலிருந்தும் பலர் வந்திருந்தார்கள். மாணவர்கள், உதவி இயக்குநர்கள், புகைப்படக்காரர்கள், ஐடி துறை, உதவி ஒளிப்பதிவாளர்கள் என பலரும் கலந்துகொண்டார்கள். எல்லோருக்கும் ஒளிப்பதிவு குறித்து மிகுந்த ஆர்வம் இருக்கிறது. 

முதல் நாள், தொழில்நுட்பத்தையும், விதிகளையும் தியரி வகுப்பைப்போல சொல்லிக்கொடுத்தோம். இரண்டாம் நாள், ஒளியமைப்பு பற்றிய தியரியை அறிமுகப்படுத்திவிட்டு பின்பு பிராக்டிகல் வகுப்பாக நடத்தினோம். 

கடந்த முறை சென்னையில் நடத்திய பயிற்சிப்பட்டறையில், புகைப்படத்துறையில் ஆரம்பித்து, ஒளிப்பதிவு துறைக்கு வந்தோம். ஒரு புகைப்படக்கேமரா எப்படி இயங்குகிறது என்பதில் இருந்து இன்றைய நவீன திரைப்பட டிஜிட்டல் கேமரா எப்படி இயங்குகிறது என்பது வரை சொல்லிக்கொடுத்தோம். ஆனால், அதில் கலந்துக்கொண்டவர்கள் பெரும்பாலானோர், புகைப்படத்துறையை தவிர்த்திருக்கலாம், இன்னும் கொஞ்சம் ஒளிப்பதிவு குறித்து பேசியிருக்கலாம் என்று கருத்து சொல்லி இருந்தார்கள். அதனால், இம்முறை புகைப்படத்துறையை தவிர்த்து, முழுக்க முழுக்க ஒளிப்பதிவுத்துறையை மட்டும் எடுத்துக்கொண்டோம். ஆயினும், எதைச் சொல்லித்தருவது, எதை விடுவது என்ற கேள்வி இருக்கத்தான் செய்தது. வருபவர்கள் பெரும்பாலும் இத்துறை சார்ந்து ஆர்வம் மட்டுமே கொண்டவர்கள், நேரடி அனுபவம் அற்றவர்கள் என்பதனால், இத்துறை சார்ந்த ஒரு முழுமையான அறிமுகத்தை அவர்களுக்குத் தருவதே ஆதார நோக்கம். எதை எல்லாம் கற்றுக்கொள்ள வேண்டியதிருக்கிறது, எதையெல்லாம் கவனிக்க வேண்டியதிருக்கிறது, எதுவெல்லாம் இணைந்து ஒரு படைப்பை கொடுக்கின்றன, தொழில்நுட்பமும், கலையும் இணையும் அந்த அற்புதம் எப்படி நிகழ்கிறது, அதற்கான அடிப்படை தகுதி என்ன என்பதை புரிய வைக்க முயன்றோம். 

ஆயினும், இந்த இரண்டு நாட்கள் பயிற்சிப்பட்டறைக்கு போதவில்லை என்றுதான் சொல்ல வேண்டும். எங்களுக்கும், நாங்கள் சொல்ல வந்ததை, விரும்பியதை எல்லாவற்றையும் சொல்லி விட முடியவில்லை. கலந்து கொண்டவர்களுக்கும் இந்த இரண்டு நாட்கள் போதவில்லை என்றுதான் தெரிகிறது. எல்லோருமே, அடுத்த முறை நாட்களை அதிகப்படுத்துங்கள். 4 அல்லது 5 நாட்களாக நடத்துங்கள் என்று கேட்டிருக்கிறார்கள். சென்னையில் நடந்த பயிற்சிப்பட்டறையின் போதும் கருத்து இவ்வாறே இருந்தது.

இம்முறை, 5C’s of Cinematography பற்றி ஒரு சிறு அறிமுகத்தை மட்டுமே கொடுக்க முடிந்தது. அதை குறித்தான பல விடியோக்கள் எங்களிடம் இருந்த போதும், அதை காட்ட நேரம் போதவில்லை. ஆனால், அத்துணை பேரும் 5C’s of Cinematography-இல் ஆர்வமாக இருக்கிறார்கள். அதைப்பற்றி அதிகம் தெரிந்து கொள்ள விரும்புகிறார்கள்.. அதனால், அடுத்தமுறை, ஒரு குறிப்பிட்ட டாப்பிக்கை மட்டும் எடுத்துக்கொண்டு பயிற்சிப்பட்டறை நடத்தலாமா என்ற எண்ணம் தோன்றுகிறது. குறிப்பாக.. Lighting, 5C’s of Cinematography, Lens போன்றவற்றில் எதாவது ஒன்றை மட்டும் எடுத்துக்கொண்டு, 4 முதல் 5 நாட்கள் பயிற்சிப்பட்டறை வைக்கலாம். விரைவில் அதைப்பற்றிய தகவலைத் தருகிறோம்.

நாட்களை அதிகப்படுத்துவது, வேறொரு சிக்கலை ஏற்படுத்தும். பலரால் அதிக நாட்களை ஒதுக்க முடியாது. இரண்டு நாட்கள் என்பதே அவர்களின் வேலையை பாதிக்க கூடியதாக இருக்கிறது. அதனாலேயே பலர் கலந்துக்கொள்ளவில்லை. அப்படி நேரம் இருப்பவர்கள் மட்டும் வர நேர்ந்தால், கலந்துக்கொள்பவர்களின் எண்ணிக்கை குறைந்துவிடும். நபர்களின் எண்ணிக்கை குறைந்தால், கட்டணம் அதிகரிக்கும். ஒவ்வொரு பயிற்சிப்பட்டறைக்கும் பல செலவுகள் செய்ய வேண்டியதிருக்கிறது. இடம், உணவு, விளம்பரம், போக்குவரத்து, புரஜெக்டர், ஒலி அமைப்பு, லைட்ஸ், கேமராவுக்கான வாடகை, உதவியாளர்களுக்கான சம்பளம் என செலவுகள் ஒருபுறம் என்றால், அதை ஏற்பாடு செய்ய குறைந்தது ஒருமாதம் வேலை செய்ய வேண்டியதிருக்கிறது. அப்போது ஆகும் செலவுகளையும் கணக்கில் கொள்ள வேண்டியதிருக்கிறது. அதனால், அடுத்த தடவை.. அதிக நாட்கள், அதிக வகுப்புகள், அதிக அனுபவம், கூடவே அதிக கட்டணமும் என்பதைப் புரிந்துகொள்வீர்கள் என நம்பலாம்.

கலந்து கொண்டவர்களுக்கும், கோவை நண்பர்கள் ‘தமிழ் செழியன்’, பாபு மற்றும் ஆனந்த் அவர்களுக்கும், AZURE STUDIO நண்பர்கள்.. கௌதம், வர்கீஸ், தினேஷ் அவர்களுக்கும், நண்பர், திரைப்பட ஆர்வலர் திரு. பாஸ்கரன் / உலக சினிமா ரசிகன் அவர்களுக்கும், கேமரா வழங்கிய திரு.ஶ்ரீதர் அவர்களுக்கும் இந்நேரத்தில் எங்கள் நன்றியை சொல்லிக்கொள்கிறோம்.

நன்றி நண்பர்களே! இணைந்திருப்போம்!!


- விஜய் ஆம்ஸ்ட்ராங்
- ஞானம் சுப்ரமணியம்