LEARN TO MAKE A SHORT FILM - Cinematography Workshop @Kotagiri on 10, 11, 12 Aug 2019

Image
ஒருகல்லில்இரண்டுமாங்கா.. கேள்விப்பட்டிருக்கிறீர்களா..!?
அதுஇதுதான். அடுத்தமாதம் (ஆகஸ்ட் 2019) 10,11,12 ஆம்தேதிகளில், கோத்தகிரியில்நாம்ஒருபயிற்சிப்பட்டறையை Learn to make a short film என்றதலைப்பில்ஏற்பாடுசெய்திருக்கிறோம். 
இப்பயிற்சிப்பட்டறைஇரண்டுவிதங்களில்பயன்தரும்.
1. ஒருகுறும்படத்தைஎப்படிஎடுப்பது. அதற்கானஒளிப்பதிவுதொழில்நுட்பங்கள்யாவை. சிறியசெலவில், கிடைக்கின்றபொருளில், சூழலில், ஒளியில், நேர்த்தியானஒருகுறும்படத்தைஎப்படிஎடுப்பதுஎன்றநுட்பத்தைசெயல்முறைவிளக்கமாகசெய்துபார்த்துகற்றுக்கொள்ளப்போகிறோம். மூன்றுநாட்களுக்குபடபிடிப்பை, கோத்தகிரிபகுதிகளில்நடத்தஇருக்கிறோம். ஒருசிறியகுழுவாகஇதனைசெய்திடப்போகிறோம். 
2. கோத்தகிரிபோன்றஒருமலைப்பிரதேசத்தின்அழகைரசித்திடப்போகிறோம். மொதுவாகமலை

இனி ரஜினி, தான் யார் என்பதைத் தெரிவிப்பாரா?


ரஜினியைத் தமிழர்கள் எப்படி எதிர்கொள்கிறார்கள் என்பது ஒருபுறம் இருக்கட்டும். ரஜினி தமிழர்களை எப்படி எதிர்கொள்ளப்போகிறார்?

இதுநாள் வரை தன் ரசிகர்களுக்கு ரஜினி கொடுத்த இடம் என்ன, அவர்களை அவர் எப்படிப் பயன்படுத்தினார், அவருக்கும் அவரது ரசிகர்களுக்குமான உறவு என்ன என்பது தமிழ்ச் சமுகம் அறிந்ததுதான். அதைப்பற்றிப் பேசினால் விவாதமாகும் என்பதும் நாம் அறிந்ததுதான். அதனால் அதைப்பற்றி பேச வேண்டியதில்லை.

நான் கேட்க விரும்புவது, இனி வரும் காலங்களில் ரஜினி தமிழர்களை எப்படி எதிர்கொள்ளப்போகிறார் என்பதுதான்.

சிங்கப்பூர் மருத்துவத்திற்கு செல்வதற்கு முன்பாக அவர் வெளியிட்ட பேச்சில் "நான் அப்படி என்ன செய்துவிட்டேன், பணம் வாங்குறேன்.. நடிக்கிறேன்.. நீங்கள் எல்லாம் பெருமைப்படும்படியும், தலைநிமிர்ந்து நடக்கும்படியும் நடந்து கொள்கிறேன் ராசாக்களா" என்று தன் ரசிகர்களுக்குச் சொன்னார்.

அன்று அவர் சொன்னதன் பொருள் என்ன? பெருமைப்படும்படியும், தலைநிமிர்ந்து நடக்கும்படியும் அப்படி அவர் என்ன செய்யப்போகிறார்? தமிழர்கள் அவருக்குக் கொடுக்கும் முக்கியத்துவத்தை இனியாவது அவர் உணர்வாரா?

லட்சக்கணக்கான சகோதரர்களும், சகோதரிகளும் கொல்லப்பட்டபோதும் வீதிக்கு வராத தமிழன், ரஜினியின் பிரார்த்தனைக்கு வந்தான். உன்னதத் தலைவனைப் பெற்றெடுத்த தாயாரின் சிகிச்சைக்குத் தடை வந்தபோது கூடாத தமிழன் ரஜினியை வரவேற்க விமான நிலையத்தில் கூடினான். இதை நினைத்தால் தமிழர்களாகிய நாம் மட்டுமல்ல ரஜினியே வெட்கப்படவேண்டும். தன் இனத்திற்காக ஒன்றுகூடாத மக்களைத் தன் ரசிகர்களாகக் கொண்டிருப்பதற்கு.

தமிழர்களுக்கு, வேண்டாம் வேண்டாம்.. அவரது ரசிகர்களுக்கு மட்டுமாவதும், அவரை இந்த நிலைக்கு கொண்டுவந்த தமிழ் சினிமாவிற்கும், அதன் அப்பாவி ரசிகனுக்கும் அவர் என்ன செய்யப் போகிறார்?

தமிழர்களின் இன்றைய பிரச்சனைகளில் அவர் தலையிடுவாரா?

தமிழர்களின் போராட்டங்களில் அவர் கலந்துக் கொள்வாரா?

தன்னை தமிழன் என்று சொல்லிக்கொள்ளும் அவர், இனியாவது அதை உளமாற உணர்வாரா? (இப்போது கூட இல்லை என்றால் பிறகு எப்போது?)

தமிழ்த் திரைப்படத்துறைக்கு அவர் அதிகம் செய்ய வேண்டாம். ஒன்றே ஒன்று செய்தால் கூட போதும். வருடத்திற்கு 10 (குறைந்தது) படங்கள் எடுக்கலாம். பெரும் முதலீடுகள் கூட வேண்டாம். சிறு பட்ஜட் படங்களை அவர் எடுக்கலாம். புதிய இயக்குனர்களுக்கு வாய்ப்புத் தரலாம். அவரது இத்தனை ஆண்டு கால திரைப்பட வாழ்க்கையில் பல இணை/உதவி இயக்குனர்களை கடந்து வந்திருப்பார், அவர்களில் இருந்து பலருக்கு வாய்ப்புகள் தரலாம். மேலும் ஒரு குழு அமைத்து புதிய தலைமுறையில் இருந்து தகுதியானவர்களைத் தேர்ந்தெடுத்து வாய்ப்புகள் தரலாம். அவருக்கு தெரியாதா என்ன? சினிமாவின் போராட்டம். அவர் நினைத்தால் பலபேரின் வாழ்க்கைக்கு வழி காட்டலாம்.

அவர் எடுக்கும் படங்களில் பாதி படங்கள் ஓடாவிட்டாலும் கூட மற்ற படங்களிலிருந்து போட்ட பணத்தை எடுத்துவிட முடியும். அதுவே பெரும் வெற்றி என்றால் லாபமும் பார்த்துவிட முடியும். அப்படியே நஷ்டம் வந்தால் என்ன? அவரால் தாங்கவா முடியாது? இதை விட பெரும் பணம் அவருக்கு தமிழ் சினிமா கொடுத்திருக்கிறது. இதை ஒரு தடவையாவது அவர் முயன்று பார்க்கலாம்.

அவருக்காக தன் வாழ்க்கை முழுவதையும் அர்ப்பணித்த பல தமிழர்கள் உண்டு என்பது அவருக்குத் தெரியும். அத்தகைய தமிழனுக்கும் தமிழ் சினிமாவிற்கும் அவர் 'ஒரு சூப்பர் ஸ்டாராக' வேண்டாம், ஒரு மனிதனாக என்ன செய்யப்போகிறார்?

தமிழர்கள், நாங்கள் யார் என்பதை தெரிந்துகொண்டோம், தெரிவித்துவிட்டோம். இனி ரஜினி தான் யார் என்பதை தெரிவிப்பாரா?

.

Comments

  1. //தமிழ் திரைப்படத்துறைக்கு அவர் அதிகம் செய்ய வேண்டாம். ஒன்றே ஒன்று செய்தால் கூட போதும். வருடத்திற்கு 10(குறைந்தது) படங்கள் எடுக்கலாம். பெரும் முதலீடுகள் கூட வேண்டாம். சிறு பட்ஜட் படங்களை அவர் எடுக்கலாம். புதிய இயக்குனர்களுக்கு வாய்ப்பு தரலாம். அவரின் இத்தனை ஆண்டு கால திரைப்பட வாழ்க்கையில் பல இணை/உதவி இயக்குனர்களை கடந்து வந்திருப்பார், அவர்களில் இருந்து பலருக்கு வாய்ப்புகள் தரலாம். மேலும் ஒரு குழு அமைத்து புதிய தலைமுறையில் இருந்து தகுதியானவர்களைத் தேர்ந்தெடுத்து வாய்ப்புகள் தரலாம். அவருக்கு தெரியாதா என்ன? சினிமாவின் போராட்டம். அவர் நினைத்தால் பலபேரின் வாழ்க்கைக்கு வழி காட்டலாம்.//

    அற்புதம்.இது போன்ற கருத்துக்கள் தமிழ் சினிமாவை சுவாசிப்பவரிடம் இருந்துதான் வர முடியும்.
    காட்பாதரை பற்றி ஒரு பதிவு எழுதி உள்ளேன்.வருகை தாருங்கள் என அன்போடு அழைக்கிறேன்.

    ReplyDelete
  2. எனக்கென்னவோ அவரும் அரசியல்வாதிகளைப்போல் பேச ஆரம்பித்து விட்டார் என்று தோன்றுகிறது.ரசிகர்களுக்கு விருந்து வைக்கவே....வேண்டாம்.

    ReplyDelete
  3. //லட்சக்கணக்கான சகோதரர்களும் சகோதரிகளும் கொல்லப்பட்டபோதும் வீதிக்கு வராத தமிழன், ரஜினியின் பிரார்த்தனைக்கு வந்தான்

    Well said, it is the people who are to be blamed and not him.

    Very good post :)

    ReplyDelete
  4. ரொம்ப சரியாக சொன்னீங்க !

    ReplyDelete
  5. நன்றி நண்பர்களே..

    ReplyDelete
  6. ஹலோ..யாருப்பா அது..இங்கே வந்து அப்பளம் வட சுடறது?..

    ReplyDelete
  7. உலக சினிமா ரசிகன்: கண்டிப்பாக படிக்கிறேன். நன்றி

    ReplyDelete
  8. நியாயமான, வித்தியாசமான கோணம்... விழிப்பார்களா விட்டில்
    பூச்சிகள்? / தமிழ்.சத்யா

    ReplyDelete
  9. nan avaroda veri thanamana rasigan nichiyama avar ida seiyanum adu da ena madiri rasiganoda vendudal... ana

    ReplyDelete
  10. nichayama superstar ida seiyanum seivar nan avaroda veri thanamana rasigan... ida dan avar rasigan elarum virumbugirom

    ReplyDelete
  11. Sir...unga ealla post um padikirean...useful ah irukku...unga kita asistant ah sethukuveengalaa..rajini panna maataar...neengalaavathu interest ulla eanna maathiri neraiya assistant ku chance tharalaamea...

    ReplyDelete
  12. Sir...unga post eallam padikirean...roomba useful ah irukku...unga kita assistant ah serthupeengalaa?? rajini panna maataar...neenga eanna maathiri interest ulla neraiya perruku assistant ah chance koodukalaamea...

    ReplyDelete
  13. உண்மையில் பாராட்டத்தக்க பதிவு தங்களுடையது . சினி உலகில் ரஜினியைப்பற்றி கற்பனைப்புராணம் பாடிக்கொண்டிருக்கும் வேளையில் . நீங்கள் இப்படி எழுதியிருப்பது அதிசயத்தையும் இன்பதையும் அளிக்கிறது . அருமையான கட்டுரை அண்ணா ! தொடருங்கள் .

    ReplyDelete

Post a Comment

Popular posts from this blog

காமிக்ஸ் பரிந்துரை : ‘தோர்கல் - சிகரங்களின் சாம்ராட்’

கடக்கமுடியாத வலிகளுண்டு

‘கத்தி’ திரைப்படத்தின் கதையும் நானறிந்த கலைஞனும்