முதன்மை உள்ளடக்கத்திற்குச் செல்

இனி ரஜினி, தான் யார் என்பதைத் தெரிவிப்பாரா?


ரஜினியைத் தமிழர்கள் எப்படி எதிர்கொள்கிறார்கள் என்பது ஒருபுறம் இருக்கட்டும். ரஜினி தமிழர்களை எப்படி எதிர்கொள்ளப்போகிறார்?

இதுநாள் வரை தன் ரசிகர்களுக்கு ரஜினி கொடுத்த இடம் என்ன, அவர்களை அவர் எப்படிப் பயன்படுத்தினார், அவருக்கும் அவரது ரசிகர்களுக்குமான உறவு என்ன என்பது தமிழ்ச் சமுகம் அறிந்ததுதான். அதைப்பற்றிப் பேசினால் விவாதமாகும் என்பதும் நாம் அறிந்ததுதான். அதனால் அதைப்பற்றி பேச வேண்டியதில்லை.

நான் கேட்க விரும்புவது, இனி வரும் காலங்களில் ரஜினி தமிழர்களை எப்படி எதிர்கொள்ளப்போகிறார் என்பதுதான்.

சிங்கப்பூர் மருத்துவத்திற்கு செல்வதற்கு முன்பாக அவர் வெளியிட்ட பேச்சில் "நான் அப்படி என்ன செய்துவிட்டேன், பணம் வாங்குறேன்.. நடிக்கிறேன்.. நீங்கள் எல்லாம் பெருமைப்படும்படியும், தலைநிமிர்ந்து நடக்கும்படியும் நடந்து கொள்கிறேன் ராசாக்களா" என்று தன் ரசிகர்களுக்குச் சொன்னார்.

அன்று அவர் சொன்னதன் பொருள் என்ன? பெருமைப்படும்படியும், தலைநிமிர்ந்து நடக்கும்படியும் அப்படி அவர் என்ன செய்யப்போகிறார்? தமிழர்கள் அவருக்குக் கொடுக்கும் முக்கியத்துவத்தை இனியாவது அவர் உணர்வாரா?

லட்சக்கணக்கான சகோதரர்களும், சகோதரிகளும் கொல்லப்பட்டபோதும் வீதிக்கு வராத தமிழன், ரஜினியின் பிரார்த்தனைக்கு வந்தான். உன்னதத் தலைவனைப் பெற்றெடுத்த தாயாரின் சிகிச்சைக்குத் தடை வந்தபோது கூடாத தமிழன் ரஜினியை வரவேற்க விமான நிலையத்தில் கூடினான். இதை நினைத்தால் தமிழர்களாகிய நாம் மட்டுமல்ல ரஜினியே வெட்கப்படவேண்டும். தன் இனத்திற்காக ஒன்றுகூடாத மக்களைத் தன் ரசிகர்களாகக் கொண்டிருப்பதற்கு.

தமிழர்களுக்கு, வேண்டாம் வேண்டாம்.. அவரது ரசிகர்களுக்கு மட்டுமாவதும், அவரை இந்த நிலைக்கு கொண்டுவந்த தமிழ் சினிமாவிற்கும், அதன் அப்பாவி ரசிகனுக்கும் அவர் என்ன செய்யப் போகிறார்?

தமிழர்களின் இன்றைய பிரச்சனைகளில் அவர் தலையிடுவாரா?

தமிழர்களின் போராட்டங்களில் அவர் கலந்துக் கொள்வாரா?

தன்னை தமிழன் என்று சொல்லிக்கொள்ளும் அவர், இனியாவது அதை உளமாற உணர்வாரா? (இப்போது கூட இல்லை என்றால் பிறகு எப்போது?)

தமிழ்த் திரைப்படத்துறைக்கு அவர் அதிகம் செய்ய வேண்டாம். ஒன்றே ஒன்று செய்தால் கூட போதும். வருடத்திற்கு 10 (குறைந்தது) படங்கள் எடுக்கலாம். பெரும் முதலீடுகள் கூட வேண்டாம். சிறு பட்ஜட் படங்களை அவர் எடுக்கலாம். புதிய இயக்குனர்களுக்கு வாய்ப்புத் தரலாம். அவரது இத்தனை ஆண்டு கால திரைப்பட வாழ்க்கையில் பல இணை/உதவி இயக்குனர்களை கடந்து வந்திருப்பார், அவர்களில் இருந்து பலருக்கு வாய்ப்புகள் தரலாம். மேலும் ஒரு குழு அமைத்து புதிய தலைமுறையில் இருந்து தகுதியானவர்களைத் தேர்ந்தெடுத்து வாய்ப்புகள் தரலாம். அவருக்கு தெரியாதா என்ன? சினிமாவின் போராட்டம். அவர் நினைத்தால் பலபேரின் வாழ்க்கைக்கு வழி காட்டலாம்.

அவர் எடுக்கும் படங்களில் பாதி படங்கள் ஓடாவிட்டாலும் கூட மற்ற படங்களிலிருந்து போட்ட பணத்தை எடுத்துவிட முடியும். அதுவே பெரும் வெற்றி என்றால் லாபமும் பார்த்துவிட முடியும். அப்படியே நஷ்டம் வந்தால் என்ன? அவரால் தாங்கவா முடியாது? இதை விட பெரும் பணம் அவருக்கு தமிழ் சினிமா கொடுத்திருக்கிறது. இதை ஒரு தடவையாவது அவர் முயன்று பார்க்கலாம்.

அவருக்காக தன் வாழ்க்கை முழுவதையும் அர்ப்பணித்த பல தமிழர்கள் உண்டு என்பது அவருக்குத் தெரியும். அத்தகைய தமிழனுக்கும் தமிழ் சினிமாவிற்கும் அவர் 'ஒரு சூப்பர் ஸ்டாராக' வேண்டாம், ஒரு மனிதனாக என்ன செய்யப்போகிறார்?

தமிழர்கள், நாங்கள் யார் என்பதை தெரிந்துகொண்டோம், தெரிவித்துவிட்டோம். இனி ரஜினி தான் யார் என்பதை தெரிவிப்பாரா?

.

கருத்துகள்

  1. //தமிழ் திரைப்படத்துறைக்கு அவர் அதிகம் செய்ய வேண்டாம். ஒன்றே ஒன்று செய்தால் கூட போதும். வருடத்திற்கு 10(குறைந்தது) படங்கள் எடுக்கலாம். பெரும் முதலீடுகள் கூட வேண்டாம். சிறு பட்ஜட் படங்களை அவர் எடுக்கலாம். புதிய இயக்குனர்களுக்கு வாய்ப்பு தரலாம். அவரின் இத்தனை ஆண்டு கால திரைப்பட வாழ்க்கையில் பல இணை/உதவி இயக்குனர்களை கடந்து வந்திருப்பார், அவர்களில் இருந்து பலருக்கு வாய்ப்புகள் தரலாம். மேலும் ஒரு குழு அமைத்து புதிய தலைமுறையில் இருந்து தகுதியானவர்களைத் தேர்ந்தெடுத்து வாய்ப்புகள் தரலாம். அவருக்கு தெரியாதா என்ன? சினிமாவின் போராட்டம். அவர் நினைத்தால் பலபேரின் வாழ்க்கைக்கு வழி காட்டலாம்.//

    அற்புதம்.இது போன்ற கருத்துக்கள் தமிழ் சினிமாவை சுவாசிப்பவரிடம் இருந்துதான் வர முடியும்.
    காட்பாதரை பற்றி ஒரு பதிவு எழுதி உள்ளேன்.வருகை தாருங்கள் என அன்போடு அழைக்கிறேன்.

    பதிலளிநீக்கு
  2. எனக்கென்னவோ அவரும் அரசியல்வாதிகளைப்போல் பேச ஆரம்பித்து விட்டார் என்று தோன்றுகிறது.ரசிகர்களுக்கு விருந்து வைக்கவே....வேண்டாம்.

    பதிலளிநீக்கு
  3. //லட்சக்கணக்கான சகோதரர்களும் சகோதரிகளும் கொல்லப்பட்டபோதும் வீதிக்கு வராத தமிழன், ரஜினியின் பிரார்த்தனைக்கு வந்தான்

    Well said, it is the people who are to be blamed and not him.

    Very good post :)

    பதிலளிநீக்கு
  4. ஹலோ..யாருப்பா அது..இங்கே வந்து அப்பளம் வட சுடறது?..

    பதிலளிநீக்கு
  5. உலக சினிமா ரசிகன்: கண்டிப்பாக படிக்கிறேன். நன்றி

    பதிலளிநீக்கு
  6. நியாயமான, வித்தியாசமான கோணம்... விழிப்பார்களா விட்டில்
    பூச்சிகள்? / தமிழ்.சத்யா

    பதிலளிநீக்கு
  7. nan avaroda veri thanamana rasigan nichiyama avar ida seiyanum adu da ena madiri rasiganoda vendudal... ana

    பதிலளிநீக்கு
  8. nichayama superstar ida seiyanum seivar nan avaroda veri thanamana rasigan... ida dan avar rasigan elarum virumbugirom

    பதிலளிநீக்கு
  9. Sir...unga ealla post um padikirean...useful ah irukku...unga kita asistant ah sethukuveengalaa..rajini panna maataar...neengalaavathu interest ulla eanna maathiri neraiya assistant ku chance tharalaamea...

    பதிலளிநீக்கு
  10. Sir...unga post eallam padikirean...roomba useful ah irukku...unga kita assistant ah serthupeengalaa?? rajini panna maataar...neenga eanna maathiri interest ulla neraiya perruku assistant ah chance koodukalaamea...

    பதிலளிநீக்கு
  11. உண்மையில் பாராட்டத்தக்க பதிவு தங்களுடையது . சினி உலகில் ரஜினியைப்பற்றி கற்பனைப்புராணம் பாடிக்கொண்டிருக்கும் வேளையில் . நீங்கள் இப்படி எழுதியிருப்பது அதிசயத்தையும் இன்பதையும் அளிக்கிறது . அருமையான கட்டுரை அண்ணா ! தொடருங்கள் .

    பதிலளிநீக்கு

கருத்துரையிடுக

இந்த வலைப்பதிவில் உள்ள பிரபலமான இடுகைகள்

'பழையன கழிதலும் புதியன புகுதலும்' - Film to Digital

‘பழையன கழிதலும் புதியன புகுதலும்’ தமிழர்களின் முதுமொழிகளில் ஒன்று. காலத்தே உதவாத, பயன்படாத, மேம்படுத்திக் கொள்ளாத, வளர்ச்சிப் பாதையில் நடைபோடாத எதையும் தவிர்த்து, காலத்தே மேம்படுத்திக் கொண்டு, வளர்ச்சிப் பாதையில் நடைபோடும் பழையதோடு புதியவற்றையும் ஏற்றுக் கொள்ள வேண்டும் என்பதை வலியுறுத்தும் இம்முதுமொழியை நினைவில் கொள்ளும் நேரமிது. பொங்கல் பண்டிகையின் முதல் நாளான ‘போகி’-இல் நாம் அதைத்தான் செய்ய முற்படுகிறோம். துரதிருஷ்டவசமாக அது ‘வெறும் பொருட்களை எரிப்பதோடு’ மட்டும் நின்றுவிடுகிறது. எண்ணத்தில், செயலில், நடத்தையில், வாழ்வில் அதைச் செய்ய வேண்டும் என்பதும் அம்முதுமொழி உணர்த்தும் செய்தி என்பதை பெரும்பாலும் நாம் சவுகரியமாக மறந்துவிடுகிறோம். சரி நான் பேச வந்தது அதைப்பற்றியல்ல. நம் தொழிலிலும் இம்முதுமொழி நடைமுறையில் இருக்கிறது என்பதும், அதன் பொருட்டு மனம் மகிழவும் துயரம் கொள்ளவும் காரணங்கள் இருப்பதை பகிர்த்துக் கொள்ளவே இக்கட்டுரை. மகிழவும் துயருறவும் எப்படி ஒன்றே காரணமாக இருக்கமுடியும்?!. வாழ்வின் விசித்திரங்களில் ஒன்று இது. புதிய உயிரின் ஜனனம், புகுந்த வீடு போகும் மகள், படிப்புக்கோ,

துப்பு கெட்டவர்கள் நாங்கள்..!

(இது வழக்கமான பதிவு அல்ல. சினிமாவைப்பற்றிய, தொழில்நுட்பம் பற்றிய கட்டுரை அல்ல இது. என் டைரியில் எனக்கு நானே எழுதிக்கொள்வதைப்போன்றது. இன்று இணையத்தின் சாத்தியத்தில் பொதுவெளியில் வைக்க முடிந்ததனால், இங்கே பதிவேற்றுகிறேன். உங்கள் நேரத்தைச் செலவழித்து படிக்க வேண்டிய அவசியமற்றது. ஓய்வாக இருப்பின், ஒரு சினிமாக்காரனின் சுய புலம்பலைப் படிக்க ஆர்வம் இருப்பின் தொடருங்கள்..) கடந்த ஒரு மாதத்திற்குள் இரண்டு முறை என் கிராமத்திற்கு சென்று வரும் வாய்ப்பு ஏற்பட்டது. இரண்டு பயணத்திற்கும் வெவ்வேறு காரணங்கள் என்றாலும் இவ்விரண்டு பயணமும் ஒரே வித அனுபவத்தையே கொடுத்தன. இதை அனுபவம் என்று சொல்லுவதை விட, ஒருவித மன அயர்ச்சி என்று சொல்வது இன்னும் பொருத்தமாக இருக்கும். இரண்டு பயணங்களிலுமே என் பால்யகால நண்பர்களில் சிலரைச் சந்திக்கும் வாய்ப்பு ஏற்பட்டது. பதினேழு பதினெட்டு வருடங்களுக்கு பிறகு அவர்களில் சிலரைச் சந்தித்தேன். பிளஸ் டூ படித்துவிட்டு, கல்லூரி படிப்புக்கு பெங்களூர் போனவன். அங்கே ஏழுவருடம், பின் சென்னையில் பத்துவருடம் என என் கிராமத்தையும் நண்பர்களையும் பிரிந்து ரொம்ப நாட்கள் ஆகிவிட்டது. இடையில் அவ

ஒளிப்பதிவுப் பயிற்சிப்பட்டறை - கோயம்புத்தூர் : நன்றி

இரண்டு நாட்கள் நடந்த ஒளிப்பதிவுப் பயிற்சிப்பட்டறை இனிதே நிறைவுற்றது. கல்லூரி விடுமுறை, கோடை விடுமுறை, தேர்தல் நேரம், முகூர்த்த நாள் போன்ற பல காரணங்களால், ஆர்வம் தெரிவித்த பலரால் கலந்து கொள்ள முடியவில்லை. ஆயினும் இது மிக சுவாரசியமான ஒரு பயிற்சிப்பட்டறையாகத்தான் இருந்தது. வழக்கம் போல, பல்துறையிலிருந்தும் பலர் வந்திருந்தார்கள். மாணவர்கள், உதவி இயக்குநர்கள், புகைப்படக்காரர்கள், ஐடி துறை, உதவி ஒளிப்பதிவாளர்கள் என பலரும் கலந்துகொண்டார்கள். எல்லோருக்கும் ஒளிப்பதிவு குறித்து மிகுந்த ஆர்வம் இருக்கிறது.  முதல் நாள், தொழில்நுட்பத்தையும், விதிகளையும் தியரி வகுப்பைப்போல சொல்லிக்கொடுத்தோம். இரண்டாம் நாள், ஒளியமைப்பு பற்றிய தியரியை அறிமுகப்படுத்திவிட்டு பின்பு பிராக்டிகல் வகுப்பாக நடத்தினோம்.  கடந்த முறை சென்னையில் நடத்திய பயிற்சிப்பட்டறையில், புகைப்படத்துறையில் ஆரம்பித்து, ஒளிப்பதிவு துறைக்கு வந்தோம். ஒரு புகைப்படக்கேமரா எப்படி இயங்குகிறது என்பதில் இருந்து இன்றைய நவீன திரைப்பட டிஜிட்டல் கேமரா எப்படி இயங்குகிறது என்பது வரை சொல்லிக்கொடுத்தோம். ஆனால், அதில் கலந்துக்கொண்டவர்கள் பெரும்பால