முதன்மை உள்ளடக்கத்திற்குச் செல்

Image Workshops Website Launched by Director MYSSKIN




ஒளிப்பதிவு பயிற்சிப்பட்டறை இணையத்தளம்:

இயக்குநர் திரு.மிஷ்கின் அவர்கள் இன்று http://imageworkshops.in என்ற எங்கள் வலைத்தளத்தை துவங்கி வைத்தார்.

எனது வலைப்பூவில் நான் தொடர்ந்து எழுதிவரும், சினிமா ஒளிப்பதிவு சார்ந்த கட்டுரைகளை வாசிக்கும் நண்பர்கள் பலரும் பல சந்தர்ப்பங்களிலும் முன்வைக்கும் கோரிக்கைதான், ஒளிப்பதிவு குறித்தான பயிற்சிப் பட்டறைகளை நடத்துங்கள் என்பது. சில பல ஆண்டுகளாகவே இந்த கோரிக்கை இருந்து வருகிறது. கடந்த ஆண்டுகளில் இரண்டு பயிற்சிப்பட்டறைகள் நடத்தினோம். மேலும் பல்வேறு நகரங்களிலிருந்தும் பயிற்சிப்பட்டறைக்கான விருப்பம் வருகிறது.



அதற்கான முதற்படியாக, இத்தளத்தை வடிவமைத்திருக்கிறோம். இதில், பாடங்கள் தனித்தனி வகுப்புகளாக பிரிக்கப்பட்டிருக்கின்றன. உங்களுக்கு விருப்பமான வகுப்பை தேர்ந்தெடுங்கள், உங்களைப்பற்றிய தகவல் மற்றும் எந்த பகுதியில் வசிக்கிறீர்கள் என்ற தகவலையும் கொடுங்கள். அதன் அடிப்படையில், வகுப்பையும், இடத்தையும் முடிவு செய்ய எங்களுக்கு ஏதுவாக இருக்கும். இது ஒருவிதமான கருத்துக் கணிப்புக்குத்தான். தேவையை அறிந்துக்கொள்ளுவதற்காகத்தான். விருப்பமான பிரிவு, கற்போர் எண்ணிக்கை, மற்றும் பொதுவான இடத்தேர்வுகள் இசைந்துவரும் பட்சத்தில், வகுப்புகளை விரைவில் துவக்க திட்டமிடலாம்.








வருங்காலத்தில், ஒளிப்பதிவு பயிற்சிப்பட்டறைகள் குறித்த தகவல்கள், Tutorials, புதிய தொழில்நுட்பங்கள், புதிய கருவிகளைப் பற்றிய அறிமுகம், பயனுள்ள சுட்டிகளும் அடுத்தடுத்து இத்தளத்தில் இடம் பெறும்.

திரு.மிஷ்கின் அவர்களுக்கும், திரு.அருண் அவர்களுக்கு நன்றி.

360° Video - Imageworkshops Web Launch - 23/04/2017


கருத்துகள்

இந்த வலைப்பதிவில் உள்ள பிரபலமான இடுகைகள்

துப்பு கெட்டவர்கள் நாங்கள்..!

(இது வழக்கமான பதிவு அல்ல. சினிமாவைப்பற்றிய, தொழில்நுட்பம் பற்றிய கட்டுரை அல்ல இது. என் டைரியில் எனக்கு நானே எழுதிக்கொள்வதைப்போன்றது. இன்று இணையத்தின் சாத்தியத்தில் பொதுவெளியில் வைக்க முடிந்ததனால், இங்கே பதிவேற்றுகிறேன். உங்கள் நேரத்தைச் செலவழித்து படிக்க வேண்டிய அவசியமற்றது. ஓய்வாக இருப்பின், ஒரு சினிமாக்காரனின் சுய புலம்பலைப் படிக்க ஆர்வம் இருப்பின் தொடருங்கள்..) கடந்த ஒரு மாதத்திற்குள் இரண்டு முறை என் கிராமத்திற்கு சென்று வரும் வாய்ப்பு ஏற்பட்டது. இரண்டு பயணத்திற்கும் வெவ்வேறு காரணங்கள் என்றாலும் இவ்விரண்டு பயணமும் ஒரே வித அனுபவத்தையே கொடுத்தன. இதை அனுபவம் என்று சொல்லுவதை விட, ஒருவித மன அயர்ச்சி என்று சொல்வது இன்னும் பொருத்தமாக இருக்கும். இரண்டு பயணங்களிலுமே என் பால்யகால நண்பர்களில் சிலரைச் சந்திக்கும் வாய்ப்பு ஏற்பட்டது. பதினேழு பதினெட்டு வருடங்களுக்கு பிறகு அவர்களில் சிலரைச் சந்தித்தேன். பிளஸ் டூ படித்துவிட்டு, கல்லூரி படிப்புக்கு பெங்களூர் போனவன். அங்கே ஏழுவருடம், பின் சென்னையில் பத்துவருடம் என என் கிராமத்தையும் நண்பர்களையும் பிரிந்து ரொம்ப நாட்கள் ஆகிவிட்டது. இடையில் அவ

'பழையன கழிதலும் புதியன புகுதலும்' - Film to Digital

‘பழையன கழிதலும் புதியன புகுதலும்’ தமிழர்களின் முதுமொழிகளில் ஒன்று. காலத்தே உதவாத, பயன்படாத, மேம்படுத்திக் கொள்ளாத, வளர்ச்சிப் பாதையில் நடைபோடாத எதையும் தவிர்த்து, காலத்தே மேம்படுத்திக் கொண்டு, வளர்ச்சிப் பாதையில் நடைபோடும் பழையதோடு புதியவற்றையும் ஏற்றுக் கொள்ள வேண்டும் என்பதை வலியுறுத்தும் இம்முதுமொழியை நினைவில் கொள்ளும் நேரமிது. பொங்கல் பண்டிகையின் முதல் நாளான ‘போகி’-இல் நாம் அதைத்தான் செய்ய முற்படுகிறோம். துரதிருஷ்டவசமாக அது ‘வெறும் பொருட்களை எரிப்பதோடு’ மட்டும் நின்றுவிடுகிறது. எண்ணத்தில், செயலில், நடத்தையில், வாழ்வில் அதைச் செய்ய வேண்டும் என்பதும் அம்முதுமொழி உணர்த்தும் செய்தி என்பதை பெரும்பாலும் நாம் சவுகரியமாக மறந்துவிடுகிறோம். சரி நான் பேச வந்தது அதைப்பற்றியல்ல. நம் தொழிலிலும் இம்முதுமொழி நடைமுறையில் இருக்கிறது என்பதும், அதன் பொருட்டு மனம் மகிழவும் துயரம் கொள்ளவும் காரணங்கள் இருப்பதை பகிர்த்துக் கொள்ளவே இக்கட்டுரை. மகிழவும் துயருறவும் எப்படி ஒன்றே காரணமாக இருக்கமுடியும்?!. வாழ்வின் விசித்திரங்களில் ஒன்று இது. புதிய உயிரின் ஜனனம், புகுந்த வீடு போகும் மகள், படிப்புக்கோ,

ஒளிப்பதிவுப் பயிற்சிப்பட்டறை - கோயம்புத்தூர் : நன்றி

இரண்டு நாட்கள் நடந்த ஒளிப்பதிவுப் பயிற்சிப்பட்டறை இனிதே நிறைவுற்றது. கல்லூரி விடுமுறை, கோடை விடுமுறை, தேர்தல் நேரம், முகூர்த்த நாள் போன்ற பல காரணங்களால், ஆர்வம் தெரிவித்த பலரால் கலந்து கொள்ள முடியவில்லை. ஆயினும் இது மிக சுவாரசியமான ஒரு பயிற்சிப்பட்டறையாகத்தான் இருந்தது. வழக்கம் போல, பல்துறையிலிருந்தும் பலர் வந்திருந்தார்கள். மாணவர்கள், உதவி இயக்குநர்கள், புகைப்படக்காரர்கள், ஐடி துறை, உதவி ஒளிப்பதிவாளர்கள் என பலரும் கலந்துகொண்டார்கள். எல்லோருக்கும் ஒளிப்பதிவு குறித்து மிகுந்த ஆர்வம் இருக்கிறது.  முதல் நாள், தொழில்நுட்பத்தையும், விதிகளையும் தியரி வகுப்பைப்போல சொல்லிக்கொடுத்தோம். இரண்டாம் நாள், ஒளியமைப்பு பற்றிய தியரியை அறிமுகப்படுத்திவிட்டு பின்பு பிராக்டிகல் வகுப்பாக நடத்தினோம்.  கடந்த முறை சென்னையில் நடத்திய பயிற்சிப்பட்டறையில், புகைப்படத்துறையில் ஆரம்பித்து, ஒளிப்பதிவு துறைக்கு வந்தோம். ஒரு புகைப்படக்கேமரா எப்படி இயங்குகிறது என்பதில் இருந்து இன்றைய நவீன திரைப்பட டிஜிட்டல் கேமரா எப்படி இயங்குகிறது என்பது வரை சொல்லிக்கொடுத்தோம். ஆனால், அதில் கலந்துக்கொண்டவர்கள் பெரும்பால