மூர்த்தி சிறுசு... கீர்த்தி பெருசு' : ‘GoPro’ கேமரா ஓர் அறிமுகம்

டிஜிட்டல் கேமராக்களின் வளர்ச்சி நாம் நினைத்து பார்க்க முடியாத அளவிற்கு வளர்ந்து விட்டது என்பதை நாம் அறிவோம். பல வகையான கேமராக்கள் வந்துவிட்டன. சின்னதும் பெரிதுமாக பல கேமராக்கள் இன்று கிடைக்கின்றது. தரத்தில் ஒன்றுக்கொன்று குறைந்ததில்லை என்று சொல்லும்படிதான் எல்லாமிருக்கின்றது. நுணுக்கமாக சில வித்தியாசங்களை கொண்டிருக்கின்றன என்றாலும், இருபது கிலோ எடைக்கொண்ட ஒரு கேமரா செய்யக்கூடிய அல்லது தரக்கூடிய தரத்தை இருபது கிராம் எடைக்கொண்ட ஒரு கேமராவால் தரமுடிகின்ற அளவிற்கு தொழில்நுட்பத்தின் வளர்ச்சி மேம்பட்டிருப்பதை நினைத்து ஆச்சரியப்படாமலிருக்க முடியவில்லை. அவ்வகையில் அளவில் மிகச்சிறிய கேமராவான ‘GoPro’ கேமராவைப்பற்றிய ஒரு சிறிய அறிமுகம் இக்கட்டுரை.

இந்நிறுவனத்தின் நிறுவனர் ‘Nick Woodman’ 2002 - இல் ஆஸ்திரேலியாவில்  ‘surfing’ (அலையாடல்) செய்ய போயிருந்தபோது தோன்றின யோசனையாம் இது. அலையாடலை அருகிலிருந்து படம் பிடிக்க முடியாததை பார்த்தபோது அதற்கான ஒரு கேமராவை வடிவமைக்க வேண்டும் என்று அவருக்கு தோன்றி இருக்கிறது.  ‘surfboard’ -இல் இணைக்கும் படியான சிறிய வடிவில் அக்கேமரா இருப்பதோடு அதன் விடியோ தரமாகவும் இருக்க வேண்டும் என்றும் விரும்பியிருக்கிறார். அதாவது அது ஒரு ‘professional’ கேமராகவும் இருக்க வேண்டும் என்ற விருப்பத்தின் அடிப்படையில் ‘GoPro’ என்ற பெயரை தேர்வு செய்திருக்கிறார்.

April 13, 2005 - இல் அந்நிறுவனத்தின் முதல் கேமரா வெளிவந்தது.  ‘GoPro HERO 35mm, All-Season Sports Camera’ என்ற பெயரைக் கொண்ட அக்கேமரா  2.5 / 3 inches (64 by 76 mm) அளவிலும் 200 கிராம் எடையும் கொண்டிருந்தது. கொடாக் படச்சுருளைப்பயன்படுத்தி 24 புகைப்படங்களை எடுக்கலாம் என்ற வகையில் வடிமைக்கப்பட்டிருந்தது.

Shockproof and waterproof
Comes preloaded with Kodak 400 speed 24 exposure film
Pivots upright for on the fly photos
Comes with the Ultimate Camera Strap

பிறகு 2007 -இல் ‘Digital HERO 3’ கேமரா அறிமுகப்படுத்தப்பட்டது. 3-megapixel கேமராவான இது   ‘standard definition 512 × 384’ விடியோவையும் பதிவு செய்யும் தகுதியைக் கொண்டிருந்தது. தொடர்ச்சியாக Digital HERO 5(2008), HD HERO 960(2010), HD HERO(2010), HD HERO2(2011), HERO3(2012) என பல மாடல்களில் கேமராக்களை அந்நிறுவனம் அறிமுகப்படுத்தியது. ஒவ்வொரு புதிய கேமராவும் அதன் முந்திய மாடலிருந்து தரத்தில் மேம்பட்டிருந்தன. அவ்வகையில் தற்போது ‘HERO3+’ என்ற கேமராவை அந்நிறுவனம் 2013 அக்டோபரில் அறிமுகப்படுத்தியது.

இக்கேமரா 4K(15fps) தரம் கொண்ட விடியோவை பதிவுசெய்கிறது. 1440p48, 1080p60, 960p100 மற்றும் 720p120 தரம் கொண்ட விடியோக்களை பதிவு செய்கிறது.

1440p48 என்பது 1920x1440 Screen Resolution பிம்பங்களை நொடிக்கு 48 பிரேம்கள் என்ற கணக்கில் பதிவுசெய்கிறது என்பதைக் குறிக்கிறது. நொடிக்கு 24, 24, 48 பிரேம்கள் வரை இந்த தரத்தில் விடியோவை பதிவு செய்யலாம்.

மேலும்12 MP தரம் கொண்ட புகைப்படங்களை எடுக்க முடிகிறது. Wi-Fi வசதி இணைக்கப்பட்டிருக்கிறது. இதன் மூலம் கேமராவிலிருந்து விடியோக்களை Wi-Fi மூலம் மொபையில் ஃபோனில் பார்க்கலாம். தூரத்திலிருந்து ரிமோட் மூலமாகவோ அல்லது மொபைல் ஃபோன் மூலமாகவும் கேமராவை இயக்கலாம். மேலும் இக்கேமரா ‘Waterproof to 131’/40m’ வசதியும் கொண்டது. 'View Finder' வசதி கிடையாது. அக்குறைய நிவர்த்தி செய்ய தனியாக இணைத்துக்கொள்ளும் வகையில் 'LCD' உண்டு. இதை கேமராவின் பின்புறத்தில் பொருத்திக்கொள்ளலாம். மொபைல் ஃபோன் அல்லது TAB-இல் பயன்படுத்த 'App' உண்டு. இக்கேமராவின் மூலம் எடுக்கும் விடியோக்களை படதொகுப்பு செய்ய தனியாக இலவச மென்பொருளும் உண்டு. இரண்டு கேமராக்களை இணைத்து  '3D' காட்சிகளையிம் பதிவுசெய்யலாம்.

இக்கேமராவின் எடை:
Camera: 74g. 
Camera with housing: 136g
 
இக்கேமராவின் சிறப்பே, இத்தனை எடை குறைந்த கேமராவை எங்கே வேண்டுமானாலும் பொருத்திக்கொள்ளலாம் என்பதுதான். மோட்டார் சைக்கில் ஓட்டும் ஒருவரின் தலைகவசத்தில், சக்கரத்தின் அருகில், கையில், மார்பில் என்று நம் விருப்பம் படி இக்கேமராவை இணைக்க தேவையான உபகரணங்கள் கிடைக்கின்றன. இவற்றின் மூலம் நாம் நினைக்கும் விதத்தில் காட்சிகளை பதிவு செய்ய முடிகிறது. இன்று உலகில் நடக்கும் பல விளையாட்டுகளில் இக்கேமரா பயன்படுத்தப்படுகிறது. விளையாட்டுத்துறைக்காகத்தான் இக்கேமரா கண்டுபிடிக்கப்பட்டப் போதும், தற்போது திரைத்துறையில் பரவலாக பயன்படுத்தப்படுகிறது. பெரும்பாலும் சண்டைக்காட்சிகளில் பயன்படுத்தப்படுறது. வாகனங்களின் சக்கரங்களுக்கு அருகில், நீருக்கடியில் நடக்கும் காட்சியை படம்பிடிக்க என பல சந்தர்ப்பங்களில் இக்கேமரா பேருதவியாகிருக்கிறது.

நான் கூட.. ‘அழகு குட்டி செல்லம்’ மற்றும் ‘தொட்டால் தொடரும்’ திரைப்படங்களில் இக்கேமராவை பயன்படுத்தி இருக்கிறேன். அழகு குட்டி செல்லத்தில் சிறுவர்கள் சைக்கிளில் தப்பியோடும் ஒரு காட்சியில் இக்கேமராவை சைக்கிளின் கைப்பிடிகளில் பொருத்தி படமாக்கி இருக்கிறோம். தொட்டால் தொடருமில் வாகனத்துரத்தல் ஒன்று வருகிறது. இதில் வாகனங்களில் பொருத்தி படமாக்கினோம். மிக எளிமையாக, இலகுவாக இக்காட்சிகளை படமாக்க முடிந்தது. மேலும் கடல் அலையின் ஊடாக, நீரின் மட்டத்திலிருந்து சில காட்சிகளை படமாக்கி இருக்கிறோம்.

மேலும்  ‘தொட்டால் தொடரும்’ திரைப்படத்தில் ஒரு சண்டைக்காட்சியில்  ‘flycam' பயன்படுத்தியிருக்கிறோம். அக்காட்சியில் 'GoPro HERO3' வகை கேமராவை பயன்படுத்தி காட்சிகளை பதிவு செய்தோம். மிக நன்றாக வந்திருக்கிறது.

மொத்தத்தில் இக்கேமராவைக் கொண்டு குறைந்த செலவில் தரமான விடியோக்களை  பதிவு செய்ய முடிகிறது என்றாலும். குறை ஒன்று இருக்கிறது. அது.. இக்கேமராவைப்பயன்படுத்தி ‘wide shot’ மட்டுமே எடுக்க முடியும். காரணம், இதில் 170-degree angle லென்ஸ் மட்டுமே உண்டு. (fixed-lens with a 170-degree angle). இந்த லென்ஸை மாற்ற முடியாது. கேமராவோடு இணைக்கப்பட்டது.

இதேப்போல பல கேமராக்களை மற்ற நிறுவனங்களும் அறிமுகப்படுத்தி இருக்கின்றன. Sony Action Cam HDR-AS10, HDR-AS15, Garmin VIRB, JVC GC-XA2, Drift HD Ghost, Polaroid XS7 போன்றவை அவற்றில் சில.

மேலும் விபரங்களுக்கு http://gopro.com/